9.29
Ach infhilltear an t-ainmfhocal
- má tá a + ainm briathartha ina fhrása dobhriathartha modha ag comhlánú ainm
briathartha eile:
- bhí sí ag cealgadh an naíonáin a chodladh
- thosaigh mé ag cur na bpáistí a luí
- tá mé ag tabhairt an ghadhair a sheilg
- i gcás múnlaí mar seo:
gníomhaí (nó a chothrom) + cuspóir + a + ainm briathartha:
- bean na mbó a chrú
- fear na tine a lasadh
- lucht na Gaeilge a fhoghlaim
- lá na bprátaí a bhaint
- aimsir an bhiatais a chur
- am na monarchan a oscailt.
Téann gnáthrialacha an tabharthaigh i bhfeidhm ar mhúnlaí mar seo:
- réamhfhocal a rialaíonn an tabharthach + ainmfhocal + a + ainm briathartha:
- as an asal a dhíol
- trí mo chois a bhriseadh
- leis an ngnó a dhéanamh.