17.1
Deilbhíocht an Ainm Bhriathartha
Má bhreathnaítear an abairt:-
dúirt mé leis teacht go tapa,
tabharfar faoi deara go bhfuil dhá fheidhm ag an bhfocal teacht,
mar atá:
- feidhm ainmfhocail
mar is é cuspóir an bhriathair dúirt é,
agus
- feidhm briathair,
mar tá sé á cháiliú ag an dobhriathar
go tapa.
Mar an gcéanna i gcás na habairte:-
ní maith leis éirí ramhar,
tá
feidhm ainmfhocail
ag an bhfocal
éirí
mar is é ainmní na habairte é
agus tá
feidhm briathair
aige
de bhrí go ndéanann an aidiacht fhaisnéiseach
ramhar
comhlánú air.
Aon fhocal a bhfuil feidhm ainmfhocail agus feidhm briathair aige is gnách ainm
briathartha a thabhairt air.
Is ó bhriathra a dhíorthaítear formhór mór na n-ainmneacha briathartha agus is
beag briathar, taobh amuigh den chopail agus de chorrbhriathar uireasach eile,
nach bhfuil ainm briathartha amháin ar a laghad aige.