16.10
Treisiú na Faisnéise
Cé go mbíonn béim an ghutha ar an bhfaisnéis sa leagan is simplí den abairt
aicme, is minic a theastaíonn í a threisiú tuilleadh.
Tá dhá shlí choitianta ann chuige sin.
------------------------------------------------------
- An gnáthleagan | Leaganacha a threisíonn an fhaisnéis
----------------------|----------------------------------
- is leaba í | (i) leaba is ea í
| (ii) [is] leaba atá inti
- ba shaighdiúirí iad | (i) saighdiúirí ba ea iad
| (ii) [is] saighdiúirí a bhí iontu
------------------------------------------------------
- An gnáthleagan | Leaganacha a threisíonn an fhaisnéis
------------------------|----------------------------------
- an capall é? | (ii) an capall atá ann?
- nach bean í? | (ii) nach bean atá inti?
- ní cait iad | (ii) ní cait atá iontu.
------------------------------------------------------------
Ní úsáidtear leaganacha (i) thuas ach i ráiteas dearfach.
An fhofhaisnéis a thugtar ar ea (an forainm neamhphearsanta).
Tá ea iarthagrach don fhaisnéis leaba, saighdiúirí thuas.