16.34
Is é is abairt ionannais ann
abairt ina dtráchtar ar dhá rud a bheith comhionann:
- is mise Seán
- an tusa Séamas?
- níorbh iadsan na gadaithe.
Is féidir cruth ailgéabrach a chur ar an abairt ionannais más ráiteas dearfach
é:
- a = b.
Copail + faisnéis + ainmní
is múnla do na trí abairt sin thuas.
Ní féidir don ainmní bheith éiginnte, agus is an-annamh an fhaisnéis éiginnte.
Ní féidir an t-alt ná ainmfhocal a chur go díreach ar lorg na copaile in abairt
ionannais.
Chun é sin a sheachaint is iondúil forainm pearsanta oiriúnach ar a dtugtar an
fhofhaisnéis a chur ar lorg na copaile.