27.17
An forainm coibhneasta iartheachtach
Chomh maith le bheith ina cónasc tig leis an mír choibhneasta neamhdhíreach
dhearfach bheith ina hiartheachtaí sa tslí go ndéanann sí gnó forainm.
Tarlaíonn seo nuair a thagann sí ar lorg réamhfhocail a bhfuil réamhtheachtaí
roimhe.
Sa chás sin tugtar forainm coibhneasta iartheachtach ar an mír
- a (ar):
- is é seo an
poll as
a
dtagann na coiníní
- tóg an chathaoir ar
a
bhfuil an mála
- níl a fhios agam cén
seomra
inar
chodail sé
- ní fheicim na
fir
lena
raibh tú ag caint
- fear
darb
ainm Oisín atá ann.
- [darb = do (réamhfhocal) + an forainm coibhneasta + an chopail phríomha]
Cé gur slachtmhar múnlaí na n-abairtí sin ní mór atá siad in úsáid i nGaeilge an
lae inniu taobh amuigh den Ghaeilge scríofa, agus ansin féin is annamh a
bhaintear feidhm astu ach i gcás na réamhfhocal ar, as, do, i, le.
Ní úsáidtear ar chor ar bith iad le réamhfhocail a rialaíonn an tuiseal
ainmneach (ach, amhail, gan, etc.) agus níl aon mhúnlaí diúltacha ann a
d'fhreagródh dóibh.