15.42
Is fiú tuilleadh a rá faoin abairt úd:
tá Tadhg ina fhear.
Ciallaíonn an abairt go bhfuil tréithe iomlána na feargachta i dTadhg.
Le linn a ráite ní bhítear ag smaoineamh ar Thadhg a bheith ina bhall d'aicme ar
bith mar a bheifí dá ndéarfaí 'is fear Tadhg'.
Nuair a chuirtear an cheist 'cad é an rud é sin?'
is ag lorg aicme an ruda atáthar.
Mar sin de, ní féidir freagra de shaghas tá sé ina fhear a thabhairt.
Ní mór an chopail a úsáid:
- 'is fear é'
- 'fear is ea é', etc.