34.3
Tá a lán frásaí ann a fhreagraíonn do chlásail chuimsitheacha mar atá roimhe
seo:
- aontaím leat sa mhéid sin amháin
- tá an Ghaeilge cuibheasach aige chomh fada lena scríobh
- níl aon duine ann ar feadh mo eolais
- níor buaileadh an clog go bhfios dom
- tháinig sé slán ón gcogadh i dtaca le holc.
Féach freisin 22.7.
Is ainm briathartha nó frása ainm bhriathartha a fhreagraíonn don fhochlásal
ráiteasach in 34.1:
- tá an leigheas le fáil agat ach teacht
- cailín ciúin í ach gan fearg a chur uirthi
- tabharfar do phasáiste duit ar chuntar tú a imeacht go Meiriceá láithreach.